Mawrth 13 2007-9:55am March 13, 2007

Wel mae’n ddiwrnod da heddiw achos dwi wedi cael fy nhalu. Am un wythnos yn unig, mae panorama ysblennydd dinas Caerdydd ar agor i mi-lle gallaf fwynhau prynu trysorau TopShop, colur Chanel, dvds, llyfrau a phob math o ddanteithion i’r lygad.

Dwi’n benderfynol o brynu’r canlynol heddiw:

1) High Spirits-Shirley Ghostman – gwych! – Rip-off braidd o’r Psychic ffug Clinton Baptiste Phoenix Nights – “I’m getting the word, ‘Nonce’!” Ond comedy value amhrisiadwy. “I feel your pain, I feel your shame. But you’re NOT to blame!”

2) CDS Newydd: Nick Cave sy fod yn wych, CD newydd Air ac Arcade Fire – felly byddaf yn mynd i Fopp ar unwaith amser cinio!

3) Pan’s Labyrinth-mynd i rhentu hwn rhag ofn ei fod yn rhy arti…

Wel dwi’n teimlo’n lot mwy placid dyddie hyn-wedi dod dros cyfyng gyngor wythnos ddiwetha ac yng ngeiriau John Candy yn ‘Planes, Trains and Automobiles: ‘Gonna go with the flow, like a twig on a stream..’ neu rywbeth felly.

COMIC RELIEF:  ETO!!!!! Faint o blincin pobol anghenus sydd yn y blincin byd ma?!  Pan o’n i’n fach o’n i’n gorfod perfformio mewn cyngerddau di-baid ar gyfer elusennau. Ond mae Comic Relief yn boen achos disgwylir i chi fod yn ‘wacky’ – ac mae jyst yn atgoffa fi o’r episod o ‘The Office’ lle’r oedd David Brent yn dawnsio fel twat.  Does dim byd gwaeth na Comic Relief mewn swyddfa.  Gwisgo trwyn coch ac esgus bod yn ddoniol er mwyn codi 50p – falle gymera i ddiwrnod off actually i osgoi’r hunllef!

TTFN!

Mawrth 9 2007 – 10.02am March 9, 2007

Wel mae fy nhad yn 64 heddiw- wrth lwc mae e dal yn llawn joie de vivre ac, yn sbwci iawn, heb ddim wrinkles…  Dorian Gray ardal Gorslas.

 Sdim lot wedi digwydd ers fy mhost diwetha. Dwi’n pissed off mod i dal heb golli pwysau!!!  O’n i’n gwylio ’10 years younger’ neithiwr ar Channel 4 ac yn gwylio’r fenyw ma’n cael facelift – o’dd e’n horrible achos o’dd y ffat i gyd yn felyn o dan ei chroen ni.  Licen i se fi’n gallu cael body lifft a thorri 3 ston o fflab off – ond dwi’n ofni operations felly bydd rhaid i fi gario mlaen starfio fy hun am ddwy flynedd a llusgo fy nhin o’r gadair waith/cadair gwylio teledu adre ac ymarfer corff, i golli’r chub melltigedig yma.  Diolch i Dduw mod i’n agos i 6 troedfedd o daldra neu fydden i fel babi eliffant!

Pethe eraill sy’n annoyo fi:

1) Pobol sy’n araf yn mynd yn eu ceir pan mae’r golau gwyrdd yn dod mlaen

2) Pobol sy’n berchen ar fwy nag un ty -rhan fwyaf o’r bobol sy’n ‘Location Location’ yn chwilio am ‘crash-pad’ in the city and a country home. Fel arfer eu henwau yw Pogo a Jemima neu Marcus a PJ neu rhyw grap fel na. 

3) Diffyg arian yn gyffredinol. Pe bai gen i filiynnau buaswn yn cwito fy job, sgwennu trwy’r dydd, teithio’r byd, prynu loads o offerynnau cerdd a chael amser neis iawn.  Yr eironi yw erbyn bo chi wedi ennill digon o arian i ymddeol, da chi’n hen ac yn fusgrell ac yn methu mynd i unman eniwei.  Such is life.

Dwi’n mynd allan heno i barti penblwydd 30 fy ffrind. Mae’n neis bod pawb nawr yn dal i fyny gyda fi ac yn glanio ym myd depressing y 30gau.

Mawrth 7 2007 -9.45am March 7, 2007

Dyma blog rhif 2.  ‘Roeddwn yn darllen bywgraffiad ar fywyd y cyfarwyddwr, Tim Burton neithiwr, ‘Burton on Burton’, mae e’n rili diddorol.  ‘Roedd gan Tim theori bod pawb o’dd yn ‘oddballs’ neu’n geeks yn ysgol yn troi mas i fod yn fwy llwyddiannus na’r pobol poblogaidd hynny oedd yn ysgol – y jocs a’r merched o’dd pawb eisiau mynd allan gyda. O’n i yn eitha odd-ballaidd yn ysgol.  Does neb eisiau mynd mas da rhywun sy’n chwarae accordion yn broffesiynol yn 12 oed…  Ond, ta waeth, it made me who I am today – loser!

Un peth sy ddim wedi newid ers pan o’n i’n ysgol -yw cael crushes rhyfedd ar bobol. Pan o’n i’n 8 oed ces i crysh ar foi o’r enw Stuart Roderick ac o’n i’n rili licio fe.  Sain gwybod pam, falle achos ei fod e’n eitha geeky hefyd.  Ond doedd e ddim rili yn talu lot o sylw arna i felly o’n i’n cerdded rownd yr iard ar ben fy hun yn canu er mwyn edrych yn ‘ddiddorol’ i dynnu ei sylw fe. Wnaeth e ddim gweithio. Dyddiau yma dwi ddim yn cerdded rownd iard ond dwi yn eitha ‘blatant’ -ond, carpe diem ac ati – does dim pwynt difaru peidio cymeryd y ‘plunge’. Ond yn anffodus mae gen i ddilemma nawr sydd yn rhy gymhleth i ymelaethu arno fe yn Blog rhif 2 felly fe gadwai hwnna nes bod ni’n adnabod ein gilydd yn well…

Dwi wedi bod yn synfyfyrio tipyn am ddynion modern yr 21g.  Ac mae llawer o gariadon fy ffrindie yn ennill llai o arian na nhw, yn eitha mewnblyg a di -gyfeiriad heb lawer o fflach yn perthyn iddynt. Ble mae’r hen Alpha Male- y knight in shining armour neu ‘hero’ chwedlonol Bonnie Tyler wedi mynd?  Dwi’n dueddol o ddewis yr un teip dro ar ol tro – y rhai sydd eisiau mam!!  Hoffwn ddyn ifanc (wastad yn mynd am toyboys), Cymraeg, cerddorol, creadigol,doniol i fod yn arwr i fi.  Mae gen i un mewn golwg, ond mae yna anhawsterau i’w datrys!  Dyma gategoriau dynion Caerdydd:

1 Y twats sydd yn mynd i glybiau Nos Wener/Sadwrn mewn crysau shiny o River Island, gyda’r new mullets neu hair-dos gor-spiky am eu pennau. Fel arfer, dyw rheiny ddim yn ymddiddori yn y ‘thinking woman’ ond yn mynd am bimbos cyffelyb sy’n fine.

2. Yr arti -teip – Y rhai sydd â gwallt Razorlight, eu pants yn hongian allan o’u jins, sydd yn hoffi bandiau da fel Kings of Leon/White Stripes. Rhain yw’r teipiau dwi’n mynd amdanyn nhw fel arfer, ond mae na downside. Does dim arian da rhein fel arfer, ma nhw’n chwilio am fam ac yn dueddol o fod yn HYNOD o moody ac yn eitha backward yn y gwely!

3 Y teip busnes – Gweithio’n y dre – cyfrifwyr/cyfreithwyr a’r chwedlonol DOCTORIAID IFANC. Dwi ERIOED wedi cwrdd gyda un o’r rhain achos dwi ddim yn mynd i’r clybiau posh ma nhw’n eu mynychu.  Dwi’n meddwl fyddai rhain yn eitha boring i fynd allan gyda nhw -felly dyw’r golled ddim yn fawr.

4 Y gang rygbi Cymraeg – biffi, habitat naturiol yw’r Mochyn Du, City Arms a.y.y.b. Ddim yn hoffi ‘physique’ rhain. Er mod i’n ferch dal, dwi’n hoffi dynion sy ddim yn rhy ‘meaty’ achos ma rheiny yn codi braw arna i. Er mae yna rhywbeth neis am gael cwlffyn o ddyn i fod yn amddiffynydd i fi os fyddai ffeit!

Eniwei, dyna ni am heddiw! TTFN!

Hello world! March 4, 2007

 Mawrth 5 2007, 10.45am

Sain gwbod pam dwi’n sgwennu hwn-does neb yn mynd i ddarllen o- a wel!! It will be good for posterity pan fyddai’n enwog fel Agatha Christie am sgwennu nofelau exciting.  A bydd pawb o’r cyfryngau yn ei ddarllen e ac yn dweud ‘Who would have thought she had this amazing diarist’s gift?  Move over Pepys, Alan Clark and Quentin Crisp, there’s a new diarist in town! Magic Eirwen!”

 Wel oedd y weekend yn O.K.  Dau berson yn aros hefo ni ac un yn rili swnllyd – fel ffog-horn o’ Ogledd Lloegr.  Dwi wedi darganfod mod i’n berson anti-social iawn ac yn rili ddim yn licio cael pobol (dwi ddim rili yn hoffi) yn aros gyda fi dros benwythnos.  Dwi wedi cael fy magu ar ben fy hun ac wedi arfer cael llonydd pan mae ei angen e. 

Pethe sy’n annoyo fi:

1.  Pobol sy’n cymeryd achau i ffeindio eu harian yn y ciw yn Tescos – fel arfer mae rhain yn hen bobol/mamau gyda prams/tramps/dryg addicts/stiwdents. Basically pawb sy’n defnyddio Tescos. Dwi bob amser yno’n barod gyda fy arian yn fy llaw. Sawl munud o fy mywyd dwi wedi gwastraffu’n barod yn aros mewn ciws?

 2. Pobol sy’n dweud wrtho fi i roi fyny smygu. Dwi’n gwybod bod fy ysgyfaint yn mynd i fod fel dwy kidney bean crebachlyd cyn hir, a dwi ishe rhoi i fyny. Ond bore ma, daeth un o’r menywod yn gwaith i fyny ataf – mae’n fenyw rili neis ond dwi ddim yn nabod hi’n rili dda achos dwi ond wedi bod yma am 8 wythnos a dweud wrthof : “I’ve been thinking about it a lot and I think you should give up smoking”.  Ddim beth chi ishe clywed am 10am y bore ar fy ail goffi a fy mhedwerydd sigaret!  Wnes i wrando’n boleit ond dwi’n meddwl welodd hi’r ‘evils’ wnes i roi iddi ac aeth hi i ffwrdd wedyn.

3.  Biliau a llythyron cas – Dwi’n cael rhain bob dydd! Boed law neu heulwen, mi fydd na lythyr dirmygus wrth y Cyngor/Banc/Credit cards/Traffic violations/Next Directory yn aros amdanaf. Annwyl Miss Eirwen…. ac yn y blaen!  Pam se nhw’n derbyn fy athroniaeth existenstialist i – da ni ar blaned ynghanol yr iwnifers ac mae’n swreal y diawl ein bod ni yma beth bynnag. Pam mae rhaid poeni am bethe trivial fel biliau ac yn y blaen?  Byddwn yn farw cyn hir eniwei!

Eniwei, dyma ddiwedd fy rant cyntaf i, dwi’n eitha mwynhau hwn. Wi wastad wedi meddwl ma weirdos sy’n blogio, weirdos sy’n meddwl lot am eu hunain ac eisiau pobol i ddarllen eu bullshit nhw. Wel, nawr, dwi hefyd yn weirdo. Ond falle fod e rhywbeth i wneud gydag unigrwydd hefyd, achos does neb rili ishe gwrando ar ‘stream of consciousness’ rhywun random fel arfer. hwyl a fflag!